Beskrivelse
Trap Kalaallit Nunaat.
Trap Kalaallit Nunaat Kalaallit Nunaanni pinngortitaq nunamilu pinngortitaq, oqaluttuarisaanera, kulturia, inuiaqatigiinnut inuussutissarsionermullu tunngasut kiisalu illoqarfiit nunaqarfiillu pillugit annertuunik takussutissinneqarluartunillu sumiiffinnut tunngasunut ilisimasaqalersitsivoq. Pingaartumik Kalaallit ilisimatuut immikkullu ilisimasallit katillugit 87-it Kap Morris Jesus-imiit Uummannarsuarmut aammalu Qaanaamiit Danmarkshavnimut pingaarnerpaat pillugit atuakkamut matumuunga ilisimasaminnik tunniusseqataapput.
Kalaallit Nunaat 2.5 mio. km²pallillugit nunaminertaqarluni aammalu 56.000-it missaannik inoqarluni nunarsuarmi qeqertat annersaraat aammalu nunarsuarmi sumiiffiit inukinnersarlugu. Nunap sannaata pileriartuaarsimanera paasisaqarfigiuk, aammalu sermersuaq aakkiartornerata nunarsuullu kissatsikkiartornerata malitsigisaannik nunani tamalaani soqutigineqariartuinnartoq pillugu atuarit. Qeqertarsuup Tunuani iluliarsuit asseqanngitsut tunuliaqutaat paasiuk, aammalu nunaqarfinnut mikisunut avinngarusimasuniittunut imminullu pilersortunut qimusserit imaluunniit qamuteralannik ornigugit. Illoqarfiit pingaarnersaannut Nuummut illloqarfinnullu allanut kitaata sineriaata kujasinnerusortaaniittunut ilaagit.
Tamaanga danskeq-norgemioq ajoqersuiartortitaq Hans Egede 1721-mi tikippoq, tassanngaaniillu danskit nunasiaateqarnerat, inuit kulturiannut annertoorujussuarnik sunniuteqartoq, aallartippoq.Nutarterinissap ilungersuutigineqarnera, avissaarnissamik kissaateqarnerit, rockinik nipilersortartut Sumekkut sunniutqarsimanerat aammalu 1979-mi aamma 2008-mi innuttaasuttaasitinneqarnerat Kalaallit Nunaata namminersulerneranik kinguneqartoq, pillugit atuarit. Aamma assersuutigaluguqilaatersornermik kulturikkut ileqqoqarneq soqutigineqaqqilersimavoq aammalu kulturikkut kingornussanut tigussaanngitsunut UNESCO-p nunarsuarmi kingornussanut allattuiffianut ilanngunneqarnera paasiffigiuk, Trap Kalaallit Nunaata pingnaarnerpaat ilannguppai. Naliginnaassnerpaaniit immikkuullarinnerpaanut.
Kalaallit Nunaat pssiuk - Trap peqatigalugu.