Beskrivelse
Inngerneeq qilaatersornerlu siulitta Inuit inuunerminnut ilaatittuarsimavaat - siulinut, Silamut, nunamut anersaallu silarsuaaannut attaveqarniarniaraangamik atortarsimallugit. Tamanna inuiaqatigiit akornanni attanneqaannaqqullugu qilaatersortartoq Nuka Alice, kulturitsinnik aallussilluartoq, atuakkiorpoq.
Atuakkami atuakkiortup nammineerluni inngerusiai, inngerutit oqaluttuassartaat atuakkiortullu nammineq oqaluttuarnera tunngavigalugit silarsuarmut tigussaanngitsumut angalaartoqarsinnaavoq.
Eqqumiitsuliortup Bolatta Silis-Høeghip qalipagaasa atuakkamik uumassuseqalersitseqataanermikkut Silamut, siulinut, massakkut inuunermut siunissamullu ilusilersuisinnaassuseqarnitsinnut qaaqqusutut ippaatigut.
Bogen er på grønlandsk.